(روز نامہ قدس ۔آنلائن خبر رساں ادارہ ) صیہونی فوج نے رواں سال 60 سالہ بزرگ خاتون اور 9 بچوں جن میں سے اکثریت کی عمریں اٹھارہ سال سے کم تھیں کو بے دردی سے شہید کیا۔
فلسطینی میڈیا رپورٹ کے مطابق گذشتہ روز فلسطین پر قابض غیر قانونی صیہونی ریاست اسرائیل کی نام نہاد سیکیورٹی فورسز نے مقبوضہ بیت المقدس کے شہر الخلیل کے جنوب میں الفوار پناہ گزین کیمپ کے داخلی راستے پر تلاشی کے دوران ایک 22 سالہ نوجوان شریف حسن محمود رباع کو گولیاں مار کر شدید زخمی کردیا جس کے بعد رواں سال کے دوران اسرائیلی دہشتگردی میں شہید ہونے والوں کی تعداد 43 ہوگئی ہے۔
رپورٹ میں بتایا گیا کہ گذشتہ ہفتے صیہونی فورسز نے جنین پناہ گزین کیمپ پر دھاوا بولا جس میں پانچ فلسطینی شہید ہونے اور ایک 60 سالہ بزرگ خاتون بھی شہید ہوئیں جو اپنے گھر میں قرآن کی تلاوت میں مصروف تھیں۔
رواں سال 2023 کے آغاز سے اب تک صیہونی فورسز نے 9 بچوں کو بھی اپنی درندگی کا نشانہ بنایا جن میں اکثریت کی عمریں اٹھارہ سال سے بھی کم تھیں۔