(روز نامہ قدس ۔آنلائن خبر رساں ادارہ) غزہ کی پٹی پر 374 ویں روز جاری اسرائیلی فوجی جارحیت سے شہید ہونے والوں کی تعداد 42,289 ہو گئی ہے۔ اس کے علاوہ 98,684 افراد مختلف زخمی ہوئے ہیں۔
فلسطینی وزارت صحت کی جانب سے جاری بیان میں بتایاگیا ہے کہ غاصب صیہونی افواج نے غزہ میں فلسطینیوں کی نسل کشی کی کارروائیاں جاری رکھی ہوئی ہیں، گذشتہ 24 گھنٹوں کے دوران کئے جانے والے قتل عام میں خواتین اور بچوں سمیت مزید 62 فلسطینی شہید جبکہ 220 زخمی ہوگئے ہیں۔
فلسطینی ہلال احمر کا کہنا ہے کہ ہزاروں فلسطینی تاحال لاپتہ ہیں اور ہزاروں تاحال تباہ شدہ عمارات کے ملبے تلے دبے ہوئے ہیں جن کی مدد کے لئے امدادی کارکنان کو جانے کی اجازت نہیں ہے۔