صہیونی بمباری کے بعد محصور شہر "غزہ” تاحال  بجلی سے محروم

(روز نامہ قدس ۔آنلائن خبر رساں ادارہ ) صہیونی فضائیہ نے  محصور شہر غزہ کے مختلف علاقوں  میں کم سے کم 10 میزائل داغے   جس سے  غزہ کا واحد بجلی کی سپلائی کا  مرکز بھی تباہ ہوا۔

ذرائع نے بتایا کہ صہیونی فضائیہ کے جنگی طیاروں  نے گذشتہ ساڑھے 15 سالوں سے غیر قانونی محاصرے کا شکار شہر غزہ میں المغازی مہاجر کیمپ کے داخلی راستے پر حماس کے عسکری ونگ القسام بریگیڈز پر کم از کم 10 میزائل داغے گئے۔ اس حملے میں کوئی جانی نقصان نہیں ہوا تاہم قرب و جوار کے کئی مکانات کو نقصان پہنچا۔

اسرائیلی بمباری سے تباہ ہونے والے غزہ کے واحد بجلی کی سپلائی کے مرکز کو بھی نقصان پہنچا  جس کے باعث شہر غزہ میں تاحال مکمل طورپر بجلی بحال نہیں کی جاسکی ہے ۔