اسرائیلی فوج حزب اللہ کو شکست نہیں دے سکتی: میجر جنرل گیرشون ہاکوہن

(روز نامہ قدس ۔آنلائن خبر رساں ادارہ ) وہ تمام لوگ جو سمجھتے تھے کہ اسرائیل کی فوج دنیا کی  سب سے زبرست فوج ہے وہ گزشتہ صدی کے خیالات  تھے آج حالات بدل چکے ہیں۔

غیر قانونی صیہونی ریاست اسرائیل  کی فوج کے ریزرو میجر جنرل گیرشون ہاکوہن  نے اسرائیلی نشریاتی ادارے چینل 14 پر حماس کےہاتھوں اسرائیلی فوج کی بدترین شکست کو تسلیم کرتے ہوئے کہا ہے کہ سات اکتوبر سے آج تقریبا آٹھ ماہ ہوگئے ہیں اسرائیلی فوج  حماس کے خلاف  کامیابی حاصل نہیں کرسکی ہے،  انھوں نے کہا کہ حماس ایک ریگولر آرمی نہیں ہے اس کے باوجود اسرائیلی فوج کو غزہ میں بے تحاشہ نقصان اٹھانا پڑ رہا ہے  تو اس کے مقابلے میں حزب اللہ سے کیا مقابلہ۔

انھوں نے کہا کہ آج "فوج” کے پاس اتنی قوت نہیں ہے کہ وہ حزب اللہ کو شکست دے سکے۔ وہ تمام لوگ جو سمجھتے تھے کہ اسرائیل کی فوج دنیا کی  سب سے زبرست فوج ہے وہ گزشتہ صدی کے خیالات  تھے آج حالات بدل چکے ہیں۔

انھوں نے کہا کہ اسرائیلی "فوج”  سائز میں چھوٹی ہے اور اسے نہ صرف "حریدی ” یہودوں کو فوج میں شامل کرنا چاہئے بلکہ لاکھوں دیگر افراد کو بھی بھرتی کرنا چاہیے جنہیں 3  یا  4 اضافی ڈویژن بنانے کے لیے سروس سے استثنیٰ حاصل ہے۔

ان کا مزید کہنا تھا کہ اسرائیل اپنی تاریخ کے سازک ترین دور سے گزر رہا ہے اور معمولی سی پالیسیوں میں غلطی نا قابل تلافی نقصان پہنچاسکتی ہے۔