(روزنامہ قدس ۔آن لائن خبر رساں ادارہ) بائیکاٹ میں فلسطینی اسیران کا اسرائیلی عدالتوں سے مطالبہ ہے کہ وہ تمام بے گناہ فلسطینیوں کو صہیونی زندانوں سے فوری رہاکریں تاکہ صہیونی جیلوں میں بغیر کسی جرم کے ان کی زندگی کے یہ قیمتی برس ضائع ہونے سے بچ سکیں۔
مقبوضہ فلسطین میں صہیونی جیلوں میں قید اسیران کے امور سے متعلق کمیٹی قیدی کلب نے بتایا ہے کہ گذشتہ ماہ 1جنوری 2022 میں اسرائیلی فوجی عدالتوں کابائیکاٹ کر نے والے صہیونی زندانوں میں قید 500 سے زائدفلسطینیوں نے 74 ویں روز بھی احتجاج جاری رکھتے ہوئے انتظامی نظر بندی کے حکم کے خلاف اپنا مؤقف "ہمارا فیصلہ آزادی ہے … انتظامی حراست نہیں”کے مطابق اپنے حق سے پیچھے نہ ہٹنے کا اعلان کیا ہے اور جس کی پیروی کرتے ہوئےصہیونی جیلوں میں قید بیمارفلسطینیوں نےبھی بائیکاٹ میں حصہ لیتے ہوئے جیلوں کے کلینک سے ادویات اور طبی معائنے سے انکار کر دیا ہے۔
قیدی کلب کے مطابق اسرائیلی فوجی عدالتوں کے خلاف بائیکاٹ کا حصہ بننے والے بیمار فلسطینی قیدی کئی روز سے دوا کے بغیر گزار رہے ہیں جس کے باعث کئی ایک شوگر، بلڈ پریشر اور دل کے مریض ان اسیران کی حالت ناساز بتائی جاتی ہے۔