صہیونی عدالت کا  حماس کے  رہنمامحمدصبحہ کو قید کا حکم  

(روز نامہ قدس ۔آنلائن خبر رساں ادارہ ) فلسطین میں پارلیمانی انتخابات کے امیدوار محمد صبحہ اب تک مجموعی طورپر  15 سال قید کاٹ چکے ہیں۔

تفصیلات کےمطابق  گذشتہ روز  قابض صہیونی ریاست کی  عدالت نے فلسطینی انتخابی گروپ "القدس موعدنا ” کے امیدوار اور طولکرم سے اسلامی تحریک مزاحمت حماس کے سینئر رہ نما محمد صبحہ کو 18 ماہ قید کی سزا سنادی ۔محمد صبحہ کو 12 مئی 2021  کو غاصب فوج نےطولکرم کے عنبتا قصبے سے گرفتار کیاتھا۔

یہ بھی پڑھیے

حماس رہنما کی لبنانی اسپیکر سے خصوصی ملاقات 

واضح رہے کہ محمد  صبحہ مرحوم ناجی صبحہ کے بیٹے ہیں، جو فلسطین میں اخوان المسلمون کے بانیوں میں سے ایک تھےاور وہ جیلوں میں طویل عرصے تک حماس کے قیدیوں کی قیادت کے ادارے کے رکن تھے اور قبوضہ فلسطین کو آزادی دلانے کی تحاریک میں  اپنا کردار ادا کرنے کی پاداش میں محمد صبحہ اب تک مجموعی طورپر 15 سال قید کاٹ چکے ہیں۔ انہیں سنہ 20 جون 2017ء کو رہا کیا گیا جس کے بعد مئی 2019ء کو دوبارہ گرفتار کرلیا گیا۔