(روز نامہ قدس ۔آنلائن خبر رساں ادارہ ) مسلح صہیونی آبادکاروں نے رات گئے فلسطینیوں کی گاڑیوں پر پتھراؤ کیا جس کےنتیجےمیں فلسطینیوں کی متعدد گاڑیوں کو نقصان ہوا جبکہ ایک فلسطینی شہری زخمی ہوگیا۔
فلسطینی ذرائع کےمطابق گذشتہ شب غیر قانونی یتزہر بستی کے شرپسند مسلح آبادکاروں کے ایک گروپ نے مقبوضہ نابلس کے جنوب میں واقع قصبے حوارہ میں فلسطینیوں کی ملکیتی متعدد گاڑیوں پر بلندی سے پتھرا ؤ کیا
ذرائع کا کہنا ہے کہ مسلح شرپسند صہیونی آبادکاروں کو اسرائیلی سیکیورٹی فورسز کا تحفظ حاصل تھا مزید برآں، اسرائیلی فورسز نے فلسطینی خاندانوں اور ان کی گاڑیوں پر آنسو گیس کے گولے داغے جو کہ آباد کاروں کے حملوں کا نشانہ بنے ہوئے تھے۔
کالونائزیشن اینڈ وال ریزسٹنس کمیشن کی رپورٹ کے مطابق نومبر 2022 میں، اسرائیلی آباد کاروں نے، اسرائیلی قابض افواج کی حفاظت میں، فلسطینیوں اور ان کی املاک کے خلاف 159 حملے کیے تھے۔