(روز نامہ قدس ۔آنلائن خبر رساں ادارہ ) صہیونی آبادکاروں نے فلسطینی سیکیورٹی فورسز کی پشت پناہی میں فلسطینی شہریوں کی گاڑیوں پر پتھرا ؤ کیا، دوسری جانب صہیونی فورسز نے فلسطینیوں پر آنسو گیس کی شیلنگ کے ساتھ فائرنگ کی۔
فلسطینی وزارت صحت کی جانب سے جاری کردہ رپورٹ کے مطابق گذشتہ روز مقبوضہ بیت المقدس کے شہر نابلس کے جنوبی قصبے قاریوت میں مسلح غیر قانونی صہیونی آبادکاروں نے فلسطینی آبادی پردھاوا بولا اور فلسطینیوں کی گاڑیوں پر پتھرا ؤکیا ،جس کی زد میں آکر ڈیڑھ سالہ شیرخوار بچی سمیت 4 فلسطینی زخمی ہوگئے ۔
دوسری جانب مغربی کنارے کے علاقے کفرقدوم اور اسارین گا ؤں میں صہیونی فورسز نے ناجائز یہودی بستیوں کی تعمیر کے خلاف فلسطینیوں کی ہفتہ وارانہ احتجاجی مار چ کو منتشر کرنے کے لئے طاقت کا بھرپور استعمال کیا۔ صہیونی فورسز نے فلسطینیوں پر آنسو گیس کی شیلنگ کی اور فائرنگ کی جس کے نتیجے میں کم سے کم 26 فلسطینیوں کے زخمی ہونے کی اطلاعات ہیں۔