(روزنامہ قدس ۔آن لائن خبر رساں ادارہ) اسرائیلی قابض صہیونی حکام ان دنوں فلسطینی علاقوں میں مختلف طریقوں سے کشیدگی میں اضافے کی صورت حال پیدا کر کےفلسطینی باشندوں خاص طور پر نوجوانوں کو گھروں سے اٹھا کر نامعلوم مقامات پرقید کر رہے ہیں۔
ذرائع کے مطابق گذشتہ روز مقبوضہ فلسطین میں قابض صہیونی حکومت نے مغربی کنارے کے شمالی شہر قلقیلیہ میں عرب رماضین میں دیوار فاصل کے قریب واقع ایک زیر تعمیر مسجد کو شہید کرنے کے احکامات جاری کر دیےجس کے خلاف فلسطینی رہائشیوں نے بھر پوراحتجاج کیا اور صہیونی حکام کے خلاف نعرے لگائے ۔
مقامی فلسطینی عہدیدار کساب شعور نے بتایا کہ صہیونی فوج کی جانب سے زیر تعمیر مسجد کو سات روز کے اندر اندر شہید کرنے کا نوٹس دیا گیا ہے جس کے خلاف مسلمان آبادی میں شدید غم و غصہ پایا جاتا ہے اور علاقہ مکینوں کو کہنا ہے کہ وہ قابض حکام کے اس فیصلے پر عمل درآمد سے روکنے کےلیے احتجاج جاری رکھیں گے۔
واضح رہے کہ مقبوضہ فلسطین میں قابض صہیونی حکام ان دنوں فلسطینی علاقوں میں مختلف طریقوں سے کشیدگی میں اضافے کی صورت حال پیدا کر کےفلسطینی باشندوں خاص طور پر نوجوانوں کو گھروں سے اٹھا کر نامعلوم مقامات پر انسانیت سوز سزائیں دے رہے ہیں اور انہیں مزاحمت سے روکنے کے لیے طاقت کا بے دریغ استعمال کر رہے ہیں۔