(روزنامہ قدس ۔آن لائن خبر رساں ادارہ) رپورٹ میں فلسطینی شہریوں اور ان کی املاک کے خلاف اسرائیلی آباد کاروں کے 363 حملے ریکارڈ کیے گئےجن میں 4 خواتین اور ایک بچے سمیت 13 فلسطینی شہید اور 260 دیگر زخمی ہوئےجبکہ دیگر تیز دھار ہتھیار، آنسو گیس کی شیلنگ اور پتھراؤسے متاثر ہوئے۔
عالمی نشریاتی ادارے کی جاری کر دہ ایک رپورٹ کے مطابق مقبوضہ فلسطین میں انسانی حقوق کے گروپ ہیومینا نے واضح کیا ہے کہ مغربی کنارے اور مقبوضہ مشرقی بیت المقدس میں آباد کاروں کی کارروائی میں کئی گنااضافہ ہوگیا ہے۔
رپورٹ کے مطابق فلسطینیوں پر صہیونی آباد کاروں کے تشدد کے واقعات میں اسرائیلی فوج کی منظم چشم پوشی واضح طور پر ثابت ہوئی ہے کیوں کہ بیشتر جرائم اسرائیلی فوج اور پولیس کی موجودگی میں ہوتے رہے اور قابض فوج تماشائی بنی رہی۔
انسانی حقوق گروپ ہیومینا کی فیلڈ ٹیم اور شہریوں سمیت عینی شاہدین کی مدد سے تیارکردہ اس رپورٹ میں اعداد و شمار سے پتاچلتا ہے کہ 2021ء میں صہیونی آباد کاروں نے فلسطینی شہریوں پر ایک ہزار 88 حملے کیے، جن میں سے زیادہ تر مغربی کنارے اور مشرقی بیت المقدس میں کیے گئےجبکہ 2020 ء کے مقابلے میں یہ تعداد تقریباً 114 فیصدسے تجاوز کر گئی۔