(روزنامہ قدس ۔آن لائن خبر رساں ادارہ) قابض فوج نے شامی علاقوں میں گھسنے کی کوشش کی شامی فوج نے علاقے کو بڑی تباہی سے بچاتے ہوئے اسرائیل کی جارحیت کا منہ توڑ جواب دیا۔
تفصیلات کے مطابق گذشتہ روزمقبوضہ فلسطین پر قابض صہیونی ریاست اسرائیل کی جانب سے شب کے اندھیرے میں ملک شام دارلحکومت دمشق پر فضائی حملہ کیا گیا اور جنوبی علاقے میں موجود شامی فوج کے ٹھکانوں کو گولہ باری سے نشانہ بنایا گیا۔
شامی حکومت کے نشریاتی ادارے سے موصولہ اطلاعات کے مطابق قابض صہیونی فوج نے دمشق کے بین الاقوامی ہوائی اڈے پر بھی حملہ کر نے کی کوشش کی جسے شامی فوج کےفضائی دفاعی نظام نے ناکام بنادیا اور شہری آبادی کو بچانے کی ہر ممکن کوشش کی تاہم حملوں کی شدت کے باعث کچھ اسرائیلی میزائلوں نے 7 کے قریب مقامی افراد کو اپنی لپیٹ میں لیا جس کے نتیجے میں 3 شہادتیں ہوئیں اور 4 افراد کے زخمی ہونے کی اطلاعات ہیں جنہیں فوری طور پر دمشق کے ہسپتال منتقل کر دیا گیا ہے۔