اسرائیل کا لبنانی حدود سے شام پر فضائی حملہ

(روزنامہ قدس ۔آنلائن خبر رساں ادارہ) بیروت کی سمت سے شام پر صہیونی فضائی حملے کیے گیےجنہیں  شامی فضائی دفاعی نظام  نے بروقت روک لیا اور صہیونی میزائلوں کو اہداف تک پہنچنے سے قبل ہی مار گرایا۔

تفصیلا ت کے مطابق گذشتہ روز قابض ریاست اسرائیل کی جانب سےلبنانی حدود سےشام  پر  فضائی حملہ کیا گیا جس میں اسرائیل  نےشام کے دارالحکومت دمشق کو نشانہ بنایا۔

شام کی سرکاری خبر رساں ایجنسی سانا کےمطابق قابضفوج کے یہ فضائی حملے بیروت کی سمت سے جنوب مشرق کی جانب کیے گئےجنہیں  شامی فضائی دفاعی نظام  نے بروقت روک لیا اور صہیونی میزائلوں کو اہداف تک پہنچنے سے قبل ہی مار گرایا۔

اب تک کی موصول ہونے والی اطلاعات کے مطابق صہیونی فوج کے ان فضائی حملوں کے نتیجے میں شام  میں کسی جانی نقصان کی کوئی اطلاع  نہیں ملی ہے۔