(روزنامہ قدس ۔آن لائن خبر رساں ادارہ) صالح بکیرات کے وکیل کی جانب سے دائر کی گئی درخواستوں کے بعد امکان تھا کہ اسرائیلی عدالت بکیرات کی سزا میں توسیع نہیں کرے گی اور انہیں رہا ئی دی جائے گی تاہم عدالت نے رہائی کی تمام درخواستیں مسترد کر دیں۔
تفصیلات کے مطابق گذشتہ روز مقبوضہ فلسطین میں اسرائیلی کی فوجی عدالت نے صوربہار کے رہائشی فلسطینی قیدی صالح بکیرات کو تیس ماہ کی قید کا حکم سنادیا۔
اسرائیلی جیل میں قید فلسطینی کے والدین نے بتایا کہ صہیونی فوج نے5 ماہ قبل ان کے بیٹے کو گھر پر چھاپہ مار کارروائی کر تے ہوئے گرفتار کیا تھا اور خاندان کے سامنے وحشیانہ تشدد کرتے ہوئے اس پر مزاحمتی تنظیم سے تعلق کے بے بنیاد الزامات عائد کیےتھے۔
فلسطینی قید ی کے والدین نے مزید بتایا کہ صالح بکیرات کے وکیل کی جانب سے دائر کی گئی درخواستوں کے بعد امکان تھا کہ اسرائیلی عدالت بکیرات کی سزا میں توسیع نہیں کرے گی اور انہیں رہا ئی دی جائے گی تاہم عدالت نے رہائی کی تمام درخواستیں مسترد کرتے ہوئے 30 ماہ کی سزا مقرر کر دی ہے۔