(روز نامہ قدس ۔آنلائن خبر رساں ادارہ ) جس وقت صیہونی ریاست نے اسماعیل ھنیہ کو نشانہ بنایا وہ وفد کے ہمراہ ایران کے دارالحکومت تہران کے شمال میں ایرانی پاسداران انقلاب کے ایک گیسٹ ہاؤس میں مقیم تھے۔
تحریک حماس کے سینئر رہنما موسیٰ ابو مرزوق نے غیر قانونی صیہونی ریاست اسرائیل کے بزدلانہ فعل پر سخت ردعمل دیتے ہوئے کہا ہے کہ جماعت کے سربراہ اسماعیل ھنیہ کا قتل ایک "بزدلانہ فعل ہے جس کی سزا (صیہونی اسرائیل کو) ضرور دی جائے گی۔
انھوں نے اپنے جاری بیان میں مزید کہا کہ ہماری تاریخ قربانیوں سے بھری پڑی ہے شہادت ہمارے حوصلوں کو نہیں توڑ سکتی ہے ہم کئی عشروں سے صیہونی بربریت کا سامنا کررہے ہیں اور اس کو منہ توڑ جواب دیتے آئے ہیں اور اب بھی مزاحمت نہیں رکے گی بلکہ یہ مزید شدت کے ساتھ آگے بڑھے گی اورپنی اپنی منزل فلسطین کی آزادی کو حاصل کرے گی۔