(روز نامہ قدس ۔آنلائن خبر رساں ادارہ ) گرفتاریوں کی اکثر کارروائیاں مقبوضہ مغربی کنارے اور مقبوضہ بیت المقدس کے مختلف علاقوں اور قصبوں میں کی گئیں، یہ گرفتاریاں عباس ملیشیا کی گرفتاریوں کے علاوہ ہیں۔
فلسطینی ذرائع ابلاغ کے مطابق صہیونی فورسز نے آج صبح مقبوضہ مغربی کنارے کے شہر نابلس میں آسٹریا کے محلے پر دھاوا بولا، قابض فورسز نے محلے میں چھاپے کے دوران ایک گاڑی کو اپنے قبضے میں لے لیا جبکہ سرویلنس کیمروں سے ریکارڈنگ بھی حاصل کرتے ہوئے گھروں میں تلاشی کے نام پر لوٹ مار کی۔
فلسطینی اسیران تنظیموں کے مطابق نومبر 2022 کے مہینے کے دوران قابض حکام نے مقبوضہ فلسطینی علاقے سے (490) فلسطینیوں کو گرفتار کیا، جن میں 76 بچے اور 12 خواتین شامل ہیں۔