(روز نامہ قدس ۔آنلائن خبر رساں ادارہ ) 41 سالہ فلسطینی صیہونی فوج سے اپنے بیٹے کو چھڑانے کی کوشش کررہا تھا اس دوران صہیونی فوجی نے سینے میں گولیاں مار کر شہید کردیا۔
فلسطینی وزارت صحت نے اعلان کیا ہے کہ غیر قانونی صیہونی ریاست کی نام نہاد سیکیورٹی فورسز نے چوبیس گھنٹوں کے دوران تین فلسطینیوں کو ریاستی دہشتگردی میں شہید کردیا ہے۔
اطلاعات کےمطابق صیہونی فورسز نے آج صبح قلندیہ پناہ گزین کیمپ پر دھاوا بولا اور گھرگھر تلاشی کے دوران روایتی لوٹ مار کرتے ہوئے فلسطینیوں کو تشدد کا نشانہ بنایا اس دوران صیہونی فورسز نے سمير أصلان کے 14 سالہ بیٹے ایاد مطیر،کو گو گرفتارکرنے کی کوشش کی جس کو بچانے کےلئے صیہونی فورسز کے ساتھ ہاتھا پائی ہوئی اس دوران ایک اسرائیلی درندے نے سمير عونی حربی أصلان کے سینے میں گولیاں مار کر شدید زخمی کردیا اور اس وقت تک طبی امداد کوزخمی تک پہنچنے نہیں دیا گیا جب تک وہ شہیدنا ہوگیا۔