(روز نامہ قدس ۔آنلائن خبر رساں ادارہ ) نوجوان کو براہ راست دو گولیاں ماری گئیں جو جان لیوا ثابت ہوئیں ، دیگر سات تشویشناک حالت میں رفیدیا اسپتال میں زیرعلاج ہیں۔
فلسطینی ہلال احمرکے ایمرجنسی اور ایمبولینس سنٹر کے ڈائریکٹر احمد جبریل نے بتایا کہ صیہونی دشمن نے آج صبح مقبوضہ غرب اردن کے شہر نابلس میں سفیان اسٹریٹ پر واقع ایک رہائشی عمارت کو گھیرے میں لیا اس دوران غیر ضروری طورپر بے تحاشہ آنسو گیس کی شیلنگ کی جس کے باعث مکینوں کو سانس لینے میں تکلیف ہوئی اور متعدداسپتال منتقل ہوئے۔
اس دوران صیہونی فوج نے مزاحمت کرنے والے فلسطینیوں پر براہ راست فائرنگ کی جس کی زد میں آکر 22 سالہ امیر بسطامی زخمی ہوا، امیر بسطامی کو پیٹ میں دو گولیاں لگیں جس کو تشویشناک حالت میں رفیدیا اسپتال منتقل کیا گیا جہاں وہ جانبر نہ ہو سکاجبکہ دیگر سات تشویشناک حالت میں رفیدیا اسپتال میں زیرعلاج ہیں۔
واضح رہے کہ رواں سال کے آغاز سے اب تک قابض فوج اور آبادکاروں کی دہشتگردی سے شہید ہونے والے شہداء کی تعداد 48 ہوگئی ہے جن میں 10 بچوں اور ایک بزرگ خاتون بھی شامل ہیں۔