(روز نامہ قدس ۔آنلائن خبر رساں ادارہ ) عالمی عدالت انصاف (آئی سی سی) کے چیف پراسیکیوٹر نے اسرائیلی وزیر اعظم نیتن یاہو اور غزہ میں حماس کے رہنما یحییٰ سنوار کے جنگی جرائم کے لیے وارنٹ گرفتاری جاری کرنے کے لیے درخواست دی ہے۔
غیر ملکی خبر رساں ادارے کی رپورٹ کے مطابق عالمی عدالت انصاف کے چیف پراسیکیوٹر کریم خان نے امریکی نشریاتی ادارے سی این این سے بات کرتے ہوئے بتایا ہے کہ انھوں نے عالمی عدالت انصاف میں حماس کے رہنما اور غزہ میں حماس کے صدر یحییٰ السنوار پر سات اکتوبر کو اسرائیل پر حملہ اور اس کے جواب میں اسرائیل کی جانب سے غزہ میں بد ترین جنگی جرائم کےخلاف صیہونی وزیراعظم نیتن یاہو کے وارنٹ گرفتاری جاری کرنے کی درخواست دی ہے۔
انہوں نے بتایا کہ اسرائیل کے وزیر دفاع یوو گیلنٹ اور حماس کے دو دیگر رہنماؤں محمد دیاب ابراہیم المصری اور اسماعیل ہنیہ کے بھی وارنٹ گرفتاری جاری کرنے کا مطالبہ ہے۔
رپورٹ کے مطابق آئی سی سی کے جج ثبوتوں کی بنیاد پر اسرائیلی وزیر اعظم اور دیگر کے وارنٹ گرفتاری جاری کرنے کا فیصلہ کریں گے۔نیتن یاہو کے متوقع وارنٹ گرفتاری جاری کرنے پر امریکی سینیٹرز کی عالمی عدالت پر پابندیوں کی دھمکیادھر اسرائیلی جنگی کابینہ کے وزیر بینی گانٹز جو کہ نیتن یاہو کے سیاسی حریف بھی ہیں نے عالمی عدالت انصاف کے پراسیکیوٹر کے فیصلے کی مذمت کی ہے۔یاد رہے کہ عالمی عدالتِ انصاف میں غزہ اور مغربی کنارے میں اسرائیلی جارحیت کی تحقیقات جاری ہیں۔