(روز نامہ قدس ۔آنلائن خبر رساں ادارہ ) شہید ہونےوالوں میں 13 بچے 2بزرگ خواتین سمیت دو طبی کارکنان بھی شامل ہیں ، ان حملوں میں صیہونی آبادکاروں کے حملے بھی شامل ہیں۔
رواں سال 2023 کے آغاز سے اب تک مقبوضہ مغربی کنارے میں فلسطینی شہداء کی تعداد 72 ہو گئی ہے جن میں نابلس اور جنین کی گورنریوں کے 45 شہداء بھی شامل ہیں۔
فلسطینی وزارت صحت نے بتایا کہ سال کے آغاز سے لے کر اب تک 13 فلسطینی بچے اور خواتین کو قابض فوج کی گولیوں کا نشانہ بنایا گیا ہے۔
جنین گورنری 27 شہداء کے ساتھ سب سے زیادہ شہیدوں کی تعداد میں سرفہرست ہے، اس کے بعد نابلس گورنری میں 18 فلسطینی شہید ہوئے۔
الخلیل گورنری میں سات 7، یروشلم سے 6، وادی اردن سے 5، قلقیلیہ گورنری سے 3، رام اللہ اور البیرہ گورنری کے دو ، بیت لحم میں دو اور طوباس میں ایک فلسطینی مزاحمت کا شہید ہوا۔
گذشتہ سال 2022 کے دوران فلسطین انفارمیشن سینٹر "معطی” نے 176 شہریوں کی شہادت کی تصدیق کی تھی۔ ان میں 45 لڑکے اور لڑکیاں، 7 خواتین اور 4 بزرگ شہری شامل تھے۔ اس دوران زخمیوں کی تعداد 8,757 تک پہنچ گئی۔