(روزنامہ قدس ۔آن لائن خبر رساں ادارہ) صہیونی فوجی کارروائیوں کا نشانہ بن کر کم سے کم 28 فلسطینی جن میں بچے بھی شامل ہیں گرفتار کر لیے گئے۔
تفصیلات کے مطابق گذشتہ روز قابض صہیونی فوج نے مقبوضہ مغربی کنارے کے متعدد علاقوں میں اچانک چھاپہ مارکارروائیوں کا آغاز کیا، قابض فوج کی غیر قانونی اور غیرانسانی کارروائیوں کے خلاف مزاحمت کاروں نے اپنے ردعمل میں صہیونی فوجیوں پر پتھراؤ کیا۔
اسرائیلی فوجیوں نے حریت پسندوں کو منتشر کرنے کیلئے براہ راست فائرنگ کی اور آنسو گیس کے شیل فائر کئے جس کی زد میں آکر متعدد فلسطینیوں کے زخمی جبکہ درجنوں کے بے ہوش ہونے کی اطلاعات ہیں، اسرائیلی فوجیوں نے اس دوران چھاپہ مار کارروائیاں کرتے ہوئے متعدد فلسطینی نوجوانوں بچوں اور خواتین کو گرفتار کرلیا۔