(روزنامہ قدس ۔آن لائن خبر رساں ادارہ) وزارت خارجہ نے مزید کہا کہ اسلامی جمہوریہ ایران نے ہمیشہ نسل کشی کی مذمت کی ہے اور اسے بلا جواز قرار دیا ہے،اسی وجہ سے دوسری جنگ عظیم کے دوران ایران نے بعض یورپی ممالک سے اس جنگ کے بے گھر ہونے والوں کی میزبانی کی۔
عالمی خبر رساں ادارے کے مطابق ایران کی وزارت خارجہ نے اقوام متحدہ کی جنرل اسمبلی میں ہولوکاسٹ کے حوالے سے منظور کی گئی قرارداد کو مسترد کرتے ہوئے اسے جرائم پر پردہ ڈالنے کے لیے ایک ذریعے کے طور پر اقوام متحدہ کے طریقہ کار کا استحصال قرار دیا۔
وزارت خارجہ نے ہولوکاسٹ کی قرارداد پر ایران کے مؤقف کا اظہار کر تے ہوئے کہا کہ صیہونی نسل پرست وجود ریاست فلسطینیوں کے خلاف اپنے روزمرہ کے جرائم پر پردہ ڈالنے کے لیے بین الاقوامی فورمز کا بے جا استعمال کررہا ہے۔
بیان میں کہا گیا کہ جیسا کہ سب پر واضح ہے کہ دوسری جنگ عظیم کے جرائم نسل پرستانہ اور توسیع پسندانہ مقاصد کے ساتھ کیے گئے تھے اور اب صہیونی ریاست ان دو شیطانی نمونوں کے جھنڈے کی وارث اور علمبردار بن چکی ہے۔ اسرائیل وہ واحد نسل پرست ریاست ہے جو توسیع پسندانہ نظریہ رکھتا ہے۔
وزارت خارجہ نے مزید کہا کہ اسلامی جمہوریہ ایران نے ہمیشہ نسل کشی کی مذمت کی ہے اور اسے بلا جواز قرار دیا ہے،اسی وجہ سے دوسری جنگ عظیم کے دوران ایران نے بعض یورپی ممالک سے اس جنگ کے بے گھر ہونے والوں کی میزبانی کی۔