جس طرح داعش کو ختم کیا ایسے ہی اسرائیل کو ختم کردیں گے، حزب اللہ

(روز نامہ قدس ۔آنلائن خبر رساں ادارہ ) حزب اللہ نے صیہونی ریاست کو  2006 میں تاریخی شکست دے چکے ہیں دوبارہ اسرائیل کو تباہ کرنے کی صلاحیت ہے۔

ایران کے وزیرخارجہ عبداللہیان سے ملاقات کے بعد جاری کردہ بیان  میں لبنان کی مزاحمتی تحریک حزب اللہ کے ڈپٹی سیکرٹری جنرل شیخ نعیم قاسم نے کہا ہے کہ جس طرح خطے سے داعش کو ختم کیا وہی انجام اسرائیل کا بھی ہوگا۔

انھوں نے کہا ہے کہ ابھی ایک سیاسی راستہ موجود ہے اور وہ اس پر اقوام متحدہ کے مندوب سے بات کریں گے۔ ایرانی وزیرخارجہ نے اسرائیل کا ساتھ دینے والوں کو خبردار کرتے ہوئے کہا کہ چند گھنٹوں میں یہ موقع ختم ہوجائے گا، اگر لڑائی میں حزب اللہ شامل ہوئی تو اسرائیل پراس کے تباہ کن اثرات مرتب ہوں گے۔