(روز نامہ قدس ۔آنلائن خبر رساں ادارہ) حزب اللہ کے میزائل غیر قانونی صیہونی بستی کریات شمونہ میں رہائشی علاقے میں گرے جس کےنیتجے میں میاں بیوی ہلاک ہوگئے،6 زخمی ہوئے بعض مکانات کو نقصان پہنچا جبکہ وسیع رقبے پر آگ بھڑک اٹھی۔
لبنان میں مزاحمتی تنظیم حزب اللہ کے مجاھدین نے غاصب صیہونی ریاست اسرائیل کے شمالی شہر حیفا کو راکٹوں سے نشانہ بنایا، اسرائیلی ذرائع ابلاغ کی رپورٹ کے مطابق حزب اللہ نے کم سے کم حیفا پر 80 کے قریب میزائل داغے جس میں سے اسرائیلی دفاعی نظام آئرن ڈوم آدھے میزائیلوں کو روک سکا باقی اسرائیل میں گرے۔
شمالی علاقے میں قائم غیر قانونی یہودی بستی کریات کے رہائشی علاقوں میں گرنے والے میزائیلوں سے میاں بیوی ہلاک اور کم سے کم چھ دیگر زخمی ہوگئے آٹھ مکانات جل گئے اور وسیع علاقے پر آگ بھڑک اٹھی۔