حماس کو لڑائی شروع کرنے پر پچھتاوا ہوگا، اسرائیلی وزیر دفاع  

(روز نامہ قدس ۔آنلائن خبر رساں ادارہ ) حماس کو یہ لڑائی شروع کرنے پر پچھتاوا ہوگا ۔ ہم غزہ کا جو حال کریں گے وہ نسلوں تک یاد رکھا جائے گا۔

حماس کی جانب سے غیر قانونی صیہونی ریاست اسرائیل پر منظم مسلح حملوں کے  جواب میں وزیر دفاع یوو گیلانٹ نے اپنے جاری بیان میں گیڈر بھبکی دیتے ہوئے کیا ہے کہ حماس نے اسرائیل پر اس نوعیت کا حملہ کرکے سنگین غلطی کی ہے ۔ انھوں نے کہا کہ حماس کے  حملے کےساتھ اب جنگ کے اصول بدل گئے ہیں ہم اس کا جواب دیں گے اور بھرپور دیں گے "ہمارا جواب 50 سال تک فراموش نہیں کیا جا سکے گا۔

انہوں نے کہا حماس کو یہ لڑائی شروع کرنے پر پچھتاوا ہوگا ، ہم غزہ کا جو حال کریں گے وہ نسلوں تک یاد رکھا جائے گا ۔ غزہ کی پٹی میں اسرائیل کا ردعمل اگلے پچاس سالوں تک لوگوں کے ذہنوں میں تازہ رہے گا۔

واضح رہے کہ صیہونی ریاست کے معروف اخبار ’’ ٹائمز آف اسرائیل‘‘ کے مطابق اسرائیل نے تصدیق کی ہے کہ غزہ میں کم از کم 100 اسرائیلیوں کو جنگی قیدی بنایا گیا ہے۔