(روزنامہ قدس ۔آن لائن خبر رساں ادارہ) حماس کی تیار کی گئی یہ ایپلی کیشن جو پہلی نظر میں عام سی دکھائی دیتی ہے، لیکن تحریک کے ارکان لڑکیوں کے جعلی پروفائلز کےذریعے صہیونی فوجیوں کو اپنے فون پر ایپلی کیشن ڈاؤن لوڈ کرنے کے لیے راضی کررہی ہیں۔
مقبوضہ فلسطین میں صہیونی ریاستی دہشت گردی کے خلاف برسر پیکار اسلامی تحریک مزاحمت کے سائبر سیل کی جانب سے قابض صہیونی فوج کے درجنوں فوجیوں کے اسمارٹ فونز کو ہیک کرلیے گئے ہیں جس کا اعتراف صہیونی جنرل سیکیورٹی سروس (شن بیت) کے انفارمیشن سیکیورٹی فارمیشن نے کیا ہے۔
ذرائع نے بتایا ہے کہ حماس کے سائبرہیکنگ یونٹ کے ارکان نے سوشل میڈیا کے استعمال سے ایک گیمنگ ایپلی کیشنز کے ذریعے اسرائیلی لڑکیوں کے بھیس میں درجنوں صہیونی فوجیوں کے فون ہیک کیے اور پھر حماس کے تکنیکی ماہرین کے تیار کردہ گیم ایپلی کیشن کا لنک بھیج دیا جو کہ اسمارٹ فونزکوکنٹرول کرتا ہے اور موبائل کے اندر موجود ڈیٹا تک رسائی کا ذریعہ بنتا ہے۔
ذرائع نے بتایا کہ شن بیت کا کہنا ہے کہ ہیکنگ کی کارروائیوں کوایک الیکٹرانک آپریشن کے ذریعے دریافت کیا گیا جس کی قیادت شن بیت کے سگنل ڈویژن میں انفارمیشن سیکیورٹی اور سائبر پروٹیکشن نے تشکیل دی تھی جس کے ذریعے حما س نے ایک گیم ایپلی کیشن کو متارف کرایااور لڑکیوں کے بھیس میں صہیونی فوج سے معلومات اکھٹی کی ہیں۔
مزید یہ کہ حماس کی تیار کی گئی یہ ایپلی کیشن جو پہلی نظر میں عام سی دکھائی دیتی ہے، لیکن تحریک کے ارکان لڑکیوں کے جعلی پروفائلز کے ذریعے فوجیوں کو اپنے فون پر ایپلی کیشن ڈاؤن لوڈ کرنے کے لیے راضی کر رہی ہیں۔