(روز نامہ قدس ۔آنلائن خبر رساں ادارہ ) گذشتہ 16 سالوں سے صیہونی ریاست کے معاشی ناکہ بندی کا شکار شہر غزہ پر اسرائیلی جارحیت کوئی نئی بات نہیں تاہم اس بار فلسطینی مجاھدین نے صیہونی دشمن پر کاری ضرب لگائی ہے۔
غیر قانونی صیہونی ریاست اسرائیل کے ذرائع ابلاغ نے فلسطینی مزاحمت تنظیم حماس کی جانب سے اسرائیل پر ہونے والے غیر معمولی حملےمیں اسرائیل کے ناقابل تلافی نقصان کا اعتراف کرتے ہوئے رپورٹ کیا ہے کہ اب تک فلسطینی مجاھدین نے راکٹ حملوں اور براہ راست جھڑپوں میں اسرائیلی فوجیوں سمیت 900 سے زائدصہیونیوں کو جھنم رسید کیا جاچکا ہے جبکہ ڈھائی ہزار سے زائد زخمی ہیں۔
دسری جانب اسرائیلی فوج کی جانب سے جاری کردہ بیان میں اعتراف کیا گیا ہے کہ غزہ شہر سے متصل مختلف اسرائیلی شہروں کو تاحال حماس کے جنگجوؤں سے کلئیرنہیں کرایا جاسکا ہے، جبکہ ذرائع نے تصدیق کی ہے کہ گذشتہ روز حماس کے جنگجوؤں نے کچھ مزید اسرائیلی شہریوں کو یرغمال بنا کر غزہ میں منتقل کیا ہے ۔