(روزنامہ قدس ۔آنلائن خبر رساں ادارہ) غزہ میں اس لاٹری کے متعارف کرانے کا مقصد لوگوں کوورونا سے بچانےکی کوششیں اور ان میں کورونا ویکسینیشن کی افادیت سے آگاہی دینا ہے۔
ذرائع کے مطابق گذشتہ روزمقبوضہ فلسطینی محصور علاقہ غزہ میں کورونا وائرس کی روک تھام کے لیے عوام کو ویکسینیشن کی جانب متوجہ کر نے کے لیے اسلامی تحریک مزاحمت حماس کی جانب سے کووِڈ-19کی ویکسین لگوانے والے افراد کے لیے ایک لاٹری جاری کی گئی ہےجس کے ذریعے ویکسین لگوانے والے افراد3000 ڈالر تک بیش قیمت انعامات کے حق دار ہوسکتے ہیں۔
غزہ میں اس لاٹری کے متعارف کرانے کا مقصد لوگوں کوورونا سے بچانےکی کوششیں اور ان میں کورونا ویکسینیشن کی افادیت سے آگاہی دینا ہے۔
واضح رہے کہ غزہ کی پٹی کی آبادی قریباً 20 لاکھ افراد پر مشتمل ہےجبکہ اسرائیل کے محاصرہ زدہ اس علاقے میں حالیہ دنوں میں کوروناوائرس کی زیادہ متعدی شکل ڈیلٹا کے یومیہ کیسوں میں اضافہ دیکھا گیا ہے۔جس کے باعث حماس کے تحت غزہ کی وزارت صحت نے لوگوں کو ویکسین لگوانے کی ترغیب دینے کی غرض سے ایک لاٹری متعارف کرائی ہے اور بدھ سے اس کی قرعہ اندازی میں شامل ہونے والے 55 سال یا اس سے زیادہ عمر کے افراد کے پاس 10,000 شیکل (3,000 ڈالر سے زیادہ) کے جیتنے کا امکان ہوگا۔