(روزنامہ قدس ۔آنلائن خبر رساں ادارہ) فلسطینی محکمہ صحت کے حکام کا کہنا ہے کہ گذشتہ ہفتے کے روز اسرائیلی فوج کی فائرنگ سے زخمی ہونےوالا ایک نوجوان کل بدھ کو اسپتال میں دم توڑ گیاجس کے بعد سے علاقے میں فسادات پھوٹ پڑے اور 20فلسطینی بری طرح زخمی ہوئے ہیں۔
تفصیلات کے مطابق گذشتہ روز اسرائیلی فوج کے ترجمان کی جانب سے ایک دھمکی آمیز بیان میں کہا گیا ہے کہ غزہ میں ہونے والی کسی بھی پرتشدد کارروائی کا بھرپور جواب دیں گے۔
صہیونی فوجی ترجمان کا یہ بھی کہنا ہے کہ ہم نہیں چاہتے کہ غزہ میں کسی پرتشدد واقعے سے سرحد پر موجود ہماری فوج کو کوئی نقصان پہنچےاور کشیدگی میں اضافہ ہو ۔
دوسری جانب فلسطینئی محصور علاقہ غزہ میں مشرقی خان یونس میں غزہ کی سرحد کے قریب ہونے والے احتجاج کے دوران اسرائیلی فوج کی فائرنگ سے 20 فلسطینی زخمی ہوگئے۔
اس حوالے سے فلسطینی محکمہ صحت کے حکام کا کہنا ہے کہ گذشتہ ہفتے کے روز اسرائیلی فوج کی فائرنگ سے زخمی ہونےوالا ایک نوجوان کل بدھ کو اسپتال میں دم توڑ گیاجس کے بعد سے علاقے میں فسادات پھوٹ پڑے اور 20فلسطینی بری طرح زخمی ہوئے ہیں۔
واضح رہے کہ غزہ کی پٹی میں تحریک حماس اور دوسرے فلسطینی مزاحمتی گروپوں کی طرف سے احتجاجی مظاہروں کی کال کے بعد اضافی فوجی نفری بھیجنے کے ساتھ اسرائیل نے خبر دار کیا ہے کہ اگر غزہ میں احتجاج نے تشدد کی شکل اختیار کی تو ان کے خلاف فوجی کارروائی کی جائے گی۔