(روزنامہ قدس ۔آن لائن خبر رساں ادارہ) صہیونی اہلکاروں نے جنوبی حصے میں ماہی گیروں پر فائرنگ کی اورتوپوں سے آگ کے گولےبرسائے جس سے کشتیوں میں سوار فلسطینیوں نے سمندر میں کود کر جانیں بچائیں۔
اطلاعات کے مطابق مقبوضہ فلسطین کے اسرائیلی فوج کے گھیراؤ کے نتیجے میں محصور علاقہ غزہ کی پٹی میں گذشتہ روز بھی غاصب صہیونی فوج نے فلسطینی ماہی گیروں کی کشتیوں کو اس وقت کونشانہ بنایا جب وہ اسرائیل کی مقرر کردہ حدود میں مچھلیوں کا شکار کر رہے تھے۔
ذرائع نے بتایا کہ صہیونی بحریہ کے بحری جہازوں نے رفح میں فلسطینی ماہی گیری کی کشتیوں پر بہت سے لائیو راؤنڈز، گیس بموں اور شعلوں سے فائرنگ کی جس سے4 فلسطینی زخمی حالت میں وہ وہاں سے نکلنے پر مجبور ہو گئے۔
عینی شاہدین کی جانب سے بھی وضاحت کی گئی ہے کہ رفح کی سمندری حدود کے اندر قابض صہیونی بحریہ کے اہلکاروں نے جنوبی حصے میں ماہی گیروں پر فائرنگ کی اورتوپوں سےآگ کے گولے برسائے جس سے فلسطینیوں نے سمندر میں کود کر جانیں بچائیں اور چند افراد زخمی ہوئے تاہم 3 کشتیاں مکمل طور پر آگ کی لپیٹ میں آکر تباہ ہوگئیں۔