(روزنامہ قدس ۔آن لائن خبر رساں ادارہ) صہیونی فوج کے مطابق "اشکول”نامی کمیونٹی کے علاقے میں سائرن بجنا شروع ہوئے جس کے بعد اسرائیلی فضائی دفائی نظام نے غزہ سے آنے والے میزائل کو روکا اور بدلے میں صیہونی جنگی طیاروں نےغزہ میں ایک مزاحمتی مقام پر بمباری کی۔
اسرائیل کے عبرانی نشریاتی ادارے کی جاری کردہ ایک رپورٹ کے مطابق غزہ کی پٹی سے ایک بار پھر راکٹ داغے جانے کا دعویٰ کیا ہے اورحملے کے نتیجے میں صہیونی بستی سدیروت میں ایک اپارٹمنٹ کو راکٹ کے شیل سے نقصان پہنچا ہے جس کے باعث علاقے میں خو ف و ہراس پھیل گیا اور لوگ محفوظ مقام منتقل ہو نے لگے۔
صہیونی فوجی کے مطابق جنوبی غزہ کی پٹی میں واقع "اشکول” کمیونٹی کے علاقے "کیسوفیم، دی تھرڈ آئی” میں سائرن بجنا شروع ہوئے جس کے بعداسرائیلی فضائی دفائی نظام آئرن ڈوم کی مدد سے غزہ سے آنے والے میزائل کو روکاگیا اور بدلے میں صیہونی جنگی طیاروں نے خان یونس کے مغرب میں ایک مزاحمتی مقام پر بمباری کی، اس دوران دونون جانب سے کسی قسم کے جانی نقصان کی کوئی اطلاع نہیں ملی ہے۔
واضح رہے کہ غزہ سے مزاحمتی تنظیموں کی جانب سے کسی بھی فریق نے راکٹ فائر کرنے کی ذمہ داری قبول نہیں کی ہےتاہم یہ پیش رفت ایک ایسے وقت میں سامنے آئی ہے جب5 روز قبل القدس میں صہیونی فوج نے مسجد اقصیٰ سمیت پورے مغربی کنارے میں مختلف مقامات پر فلسطینی شہریوں پر حملے شروع کررکھے ہیں اورمتعدد افراد کو بغیر کسی جرم کے حراست میں تشدد کا نشانہ بنایا جارہا ہےجس کی وجہ سے ماحول میں کسی بھی وقت حالات کی کشیدگی میں اضافے کا اندیشہ ہے۔