(روزنامہ قدس ۔آن لائن خبر رساں ادارہ) اسرائیلی فورسز نے بھاری مقدار میں آ نسو گیس کی شیلنگ کی، ان شدید حملوں سے غزہ کے شہریوں نے گھروں میں موجود بیمار، بزرگ اور بچوں کو دم گھٹنے سے بچانے کیلیے فوری احتیاطی تدابیر کے ذریعےانکی جانیں بچائیں۔
مقبوضہ فلسطین کے محصور علاقے غزہ کی پٹی میں گذشتہ روز قابض صہیونی فوج کی جانب سے سرحدی حصے بیت حانون کے قریب واقع فلسطینی رہائشیوں کے مکانات پر مشین گنوں کے ذریعے حملہ کیا گیا اور بھاری مقدار میں آنسو گیس کی شیلنگ سے شہریوں کو خوفزدہ کرنےکی کوشش کی۔
ذرائع نے بتایا کہ غاصب صہیونی فوجیوں نے شمالی غزہ کی پٹی میں مشرقی علاقے "النعایمہ” میں غزہ میں مزاحمتی جماعت حماس کو الرٹ کر نے اور اشتعال انگیزی پھیلانے کے لیے فلسطینیوں کے گھروں پر گولیاں برسائیں جس سے تاحال کسی جانی نقصان کی اطلاع نہیں ملی ہے تاہم آنسو گیس کی شیلنگ کے شدید حملوں سے گھروں میں موجود افراد اور بچوں کو دم گھٹنے سے بچانے کیلیے احتیاطی تدابیر سے کام لیا گیا۔
واضح رہے کہ قابض فوج فلسطینیوں کو مسائل میں گرفتار کر نے کے لیے اس طرح کے دہشت گردانہ اقدامات کرتی رہتی ہے جس کے نتیجےمیں اکثر بے گناہ فلسطینیو ں کی جانوں کا نقصان بھی ہو جاتا ہے۔