(روزنامہ قدس ۔آن لائن خبر رساں ادارہ) فلسطینی ذرائع کے تصدیقی بیان کے مطابق صہیونی اہلکاروں نے غزہ میں تین نہتے شہریوں کو وحشیانہ تشدد کیا اوران پر سرحدی باڑ عبور کرنے کا بے بنیاد الزام عائد کرکے کے دوران گرفتار کیاہے۔
تفصیلات کے مطابق گذشتہ روز مقبوضہ فلسطین کے محصور علاقے غزہ میں قابض صہیونی فوج نے 3 فلسطینی باشندوں کو گرفتار کر کے ان پر الزام عائد کیا ہے کہ وہ اسلحہ بردار فلسطینی تھےجو سرحد عبور کرنے کی کوشش کررہے تھے تاہم قابض فوج نے تلاشی کے دوران2 بم اور 1 چاقو برآمد کر کے انہیں حراست میں لے لیا ہے۔
فلسطینی ذرائع کی جانب سے ایک تصدیقی بیان جاری کیا ہے جس کے مطابق صہیونی اہلکاروں نے غزہ کے علاقے خان یونس کے مشرق میں سرحدی حصے سے تین نہتے شہریوں کو وحشیانہ تشدد کے دوران گرفتار کیا ہے اور ان پر سرحدی باڑ عبور کر نے کا بے بنیاد الزام عائد کیا ہے۔
یاد رہے کہ صہیونی ریاست اسرائیل میں قابض فوج کا فلسطینی باشندوں پر تلاشی کے بہانے روک کربلا جواز تشدد کر نایا ان پر اسلحے کی موجودگی کا الزام لگاکرنامعلوم مقامات پر تفتیش کے لیے منتقل کرنا روزمرہ کے عام واقعات میں سے ہے جہاں فلسطینی نوجوانوں کو تفتیش کے نام پر غیر انسانی سزائیں دی جاتی ہیں۔