(روزنامہ قدس ۔آن لائن خبر رساں ادارہ) مظاہرے میں غزہ کے شہریوں نے ہاتھوں میں ابوحمید کی تصویریں اور بینرز اٹھا رکھے تھے جن پر لکھا تھا، "ہمارے نظربند ایک شعلے کی مانند ہیں جو ہمیشہ بھڑکتے ہیں،” اور”ہمارے بہادر قیدیوں کی آزادی،” کے مطالبات درج تھے۔
تفصیلات کے مطابق گذشتہ روز مقبوضہ فلسطین کے محصور علاقے غزہ کی پٹی کے علاقے خان یونس میں سینکڑوں افراد نے اسرائیلی جیلوں میں کینسر میں مبتلا فلسطینی اسیر ناصر ابوحمید کے ساتھ اظہار یکجہتی کے لیےمظاہرے کا انعقاد کیا گیاجس میں مظاہرین نے صہیونی جیل انتظامیہ کی مجرمانہ غفلت کے باعث صحت کی انتہائی خراب صورت حال سے دوچارفلسطینی قیدی کی تشویشناک حالت کے پیش نظر عالمی اداروں سےابو حمید کی صہیونی جیل سے فوری رہائی کا مطالبہ کیا۔
مظاہرے میں غزہ کے شہریوں نے ہاتھوں میں ابوحمید کی تصویریں اور بینرز اٹھا رکھے تھے جن پر لکھا تھا، "ہمارے نظربند ایک شعلے کی مانند ہیں جو ہمیشہ بھڑکتے ہیں،” اور”ہمارے بہادر قیدیوں کی آزادی،” کے مطالبات درج تھے۔
واضح رہے کہ صہیونی جیل میں قید فلسطینی ایک جانب کینسر جیسی بیماری سے لڑ رہا ہے جبکہ دوسری جانب جیل انتظامیہ کی غفلت کے باعث ابو حمید تین ہفتے قبل پھیپھڑوں میں شدید سوزش کا شکار ہونے کے بعدنمونیا کی وجہ سے کومے میں جا چکے ہیں اور تاحال تشویش ناک صورت حال سے دوچار ہیں۔