(روزنامہ قدس ۔آن لائن خبر رساں ادارہ) تقریب میں طلبہ کے اہل خانہ، پروفیسروں اور ساتھی طلبہ نے بھرپور شرکت کی اورانہیں مبارک باد پیش کی ساتھ ہیطلبہ و طالبات کیلیے دنیا و آخرت میں کامیابی کی خصوصی دعائیں کیں۔
تفصیلات کے مطابق گذشتہ روز قابض ریاست اسرائیل کی جانب سے معاشی جبری پابندیوں کا شکار فلسطینی علاقہ غزہ کی پٹی میں اسلامی یونیورسٹی کے زیر اہتمام 220طلبہ و طالبات کے قرآن کریم کو حفظ کر نے کی سعادت حاصل کر نے پر اعزازی تقریب منعقد کی جس میں یونیورسٹی کے شعبہ طب سے تعلق رکھنے والےان 220طلبہ و طالبات کی اس کارکردگی کو بھرپور انداز میں سراہا گیا۔
غزہ کے ان طالب علموں نے دنیاوی تعلیم کے ساتھ ساتھ قرآن کریم حفظ کرنے کا غیر معمولی کارنامہ سر انجام دیاجس کے اعزاز میں تقریب منعقد کی گئی، تقریب کا آغازقرآن کریم کی تلاوت سے کیا گیا جبکہ تقریب میں طلبہ کے اہل خانہ، پروفیسروں اور ساتھی طلبہ نے بھرپور شرکت کی اورطالب علموں کو مبارک باد پیش کی ساتھ ہی قرآن حفظ کرنے والے ان طلبہ و طالبات کیلیے دنیا و آخرت میں کامیابی کی خصوصی دعائیں بھی کیں۔