غاصب فوج کے چھاپے, متعدد فلسطینی اغواء

(روز نامہ قدس ۔آنلائن خبر رساں ادارہ ) قابض صہیونی فورسز نے مقبوضہ فلسطین کے مختلف علاقوں میں چھاپہ مار کارروائیاں کرتے ہوئے متعدد فلسطینیوں کو گھروں سے اغواء کرنے کے بعد نامعلوم مقاما ت پر منتقل کردیا۔

فلسطینی ذرائع کے مطابق  غاصب فورسز نے رات گئے اور علی الصبح مغربی کنارے اور بیت المقدس میں چھاپہ مارمہم کے دوران 24 فلسطینی شہریوں کو اغواء کیا،  ان میں سے کی بھی فلسطینی پر کوئی مقدمہ درج نہیں تھا ، قابض فوج نے رام اللہ کے مغرب میں دیر ابو مشعل گاؤں میں گھروں پر چھاپہ مارا اور تلاشی کے نام پر روایتی لوٹ مار کی اس دوران 9 فلسطینیوں کے اغواء کی اطلاعات ملی ہیں۔

یہ بھی پڑھیے

اسرائیلی فوج نے فلسطینی انجینئر عمر محمد کو گھر سے اغواء کرلیا

بیت لحم میں، فوج نے بیت فجار قصبے اور الدہیشہ پناہ گزین کیمپ پر دھاوا بول دیا اور سات نوجوانوں کو ان کے گھروں سے اغوا ء کرلیاگیا ۔نابلس میں، عسیرہ الشمالیہ قصبے میں گھروں پر چھاپوں کے دوران میں  ایک نوجوان کو قید کر لیا گیا۔جنین میں، دو شہریوں کو فوجیوں نے سیلہ الظہر ٹاؤن اور زبوبا گاؤں سے اغوا کیا تھا۔بیت المقدس میں اسرائیلی پولیس فورسز نے مختلف علاقوں پر دھاوا بول کر کم از کم چار شہریوں کو اغوا کر لیا۔