(روز نامہ قدس ۔آنلائن خبر رساں ادارہ ) ترکیہ بین الاقوامی عدالت انصاف میں صیہونی ریاست کی جانب سے غزہ میں فلسطینیوں کی نسل کشی اور کے ثبوت پیش کرے گا۔
ترک ذرائع ابلاغ کے مطابق ترکیہ نے بین الاقوامی عدالت انصاف ’آئی سی جے‘ کے سامنے جنوبی افریقہ کی جانب سے غیر قانونی صیہونی ریاست اسرائیل کے خلاف دائر کردہ غزہ میں فلسطینیوں کی نسل کشی کے مقدمے میں شامل ہونے کی باضابطہ درخواست جمع کرا دی ہے، ترک پارلیمنٹ میں قانونی کمیٹی کے سربراہ جنید یوکسال نے دی ہیگ میں اپنے درخواست جمع کرناے کے بعد عدالت کے سامنے ایک پریس کانفرنس کرتے ہوئے کہا کہ ان کا ملک اسرائیلی فوج کی طرف سے غزہ کی پٹی میں نسل کشی اور نہتے فلسطینیوں کے کے قتل عام کے ثبوت پیش کرے گا۔
انھوں نے کاہ کہ ترکیہ غیر قانونی صیہونی ریاست پر نہتے فلسطینیوں کے خلاف بھوک اور پیاس کو ایک جنگی ہتھیار کے طورپر استعمال کرنے کے ٹھوس شواہد عالمی عدالت میں پیش کرے گا۔انہوں نے اس بات پر زور دیا کہ جمہوریہ ترکیہ بحیثیت ریاست اور عوام فلسطینی کاز کے ساتھ کھڑا ہے۔ ان کا ملک پر امید ہے کہ عالمی عدالت انصاف اسرائیل کو اپنے فیصلوں پر عمل درآمد کرنے پر مجبور کر سکے گی۔