(روز نامہ قدس ۔آنلائن خبر رساں ادارہ ) صیہونی ریاست غزہ کے محصور فلسطینیوں کے معاشی قتل عام کےلئے ان کی روزی روٹی کے ذرائع کو ختم کرنے کی بھرپور کوششیں کررہی ہے۔
ذرائع کے مطابق غیر قانونی صیہونی ریاست اسرائیل کی نام نہاد نیوی نے گذشتہ روز گذشتہ سولہ سالوں سے غیر قانونی معاشی ناکہ بندی کا شکار محصور شہر غزہ کے ماہی گیروں پر اس وقت فائرنگ کی جب وہ اسرائیل کی جانب سے مقرر کردہ سمندری حدود میں مچھلیوں کے شکار میں مصروف تھے۔
غزہ فشر فورم کےعہدیدار بلال شعار کے مطابق غاصب فوج کی نیوی نے غزہ شہر کے ساحل سے دور کھلے سمندر میں ماہی گیری کی ایک بڑی کشتی پر اس وقت ربڑ کی گولیاں برسائیں جس سے وہ زخمی ہو گئے۔
زخمی ہونے والے ماہی گیروں میں محمد عبدالرحمن بکر، محمود محمد سعد بکر، خمیس محمد سعد بکر اور یسری زکریا بکر شامل ہیں۔