(روز نامہ قدس ۔آنلائن خبر رساں ادارہ )قابض صیہونی فوج کے طیاروں نے مسلسل نویں روز بھی غزہ شہر پر وحشیانہ حملوں کا سلسلہ جاری رکھا ہوا ہے۔
صیہونی فوج کی بمباری سے ڈھائی لاکھ گھروں سے محروم جبکہ غزہ کے شمالی علاقے بیچ کیمپ کو خالی کرنے کے احکامات پر 4 لاکھ سے زائد فلسطینیوں نے اپنے گھروں سے نقل مکانی کی ہے اس دوران صیہونی فوجیوں نے ان پر بمباری کی اور درجنوں بچوں اور خواتین سمیت سیکڑوں فلسطینیوں کو شہید کیا۔
اس نقل مکانی کے بعد لاکھوں لوگ کھلے آسمان تلے زندگی گزارنے پر مجبور ہیں جبکہ ہزاروں زخمی ہیں۔