(روز نامہ قدس ۔آنلائن خبر رساں ادارہ) غزہ پر اسرائیلی دہشتگردی کو آج 385 دن مکمل ہورہے ہیں، اسرائیلی فوج کی وحشیانہ بمباری کا سلسلہ تاحال جاری ہے، گذشتہ رات اسرائیلی فوج کی بمباری سے شہید ہونے والوں میں ایک ہی خاندان کے 14 بچوں سمیت 40 فلسطینی شہید ہوئے۔
فلسطینی ذرائع کے مطابق غیر قانونی صیہونی ریاست اسرائیل کی نام نہاد فوج نے جمعرات اور جمعہ کی درمیانی شپ غزہ کے وسطی علاقے خان یونس میں المنارہ کے مقام پر ایک رہائشی عمارت پر کم سے کم 3 میزائل داغے جس کے نیتجےمیں عمارت مکمل طور پر منہدم ہوگئی جبکہ اس کے ساتھ اس کے اردگرد کی عمارات بھی تباہ ہوگئیں اور متعدد فلسطینی شہید اور زخمی ہوگئے۔