(روز نامہ قدس ۔آنلائن خبر رساں ادارہ ) غاصب صیہونی جنگی جرائم میں شہید ہونے والوں میں 5ہزار 8سو سے زائد بچے جبکہ 3ہزار 9 سو سے زائد خواتین شامل ہیں۔
مقبوضہ فلسطین کے محصور شہر غزہ پر غیر قانونی صیہونی ریاست اسرائیل کی 7 اکتوبر سے جاری دہشتگردی کو 45 روز تک جاری رہنے کے بعد گذشتہ رات چار روز کی عارضی جنگ بندی کے باعث رک گئی ہے تاہم اس دوران غاصب صیہونی ریاست نے نہتے فلسطینیوں کے ساتھ سنگین جنگی جرائم جاری رکھتے ہوئے 14 ہزار سے زائد فلسطینیوں کو شہید کردیا ۔
7 اکتوبر کو جنگ شروع ہونے کے بعد سے غزہ کی پٹی پر جاری اسرائیلی وحشیانہ بمباری میں 14,128 فلسطینی جاں بحق ہوئےجس میں 5,840 بچے اور 3,920 خواتین اور 8 سو سے زائد بزرگ شہری شامل ہیں۔
بمباری کے نتیجے میں مزید 33000 افراد زخمی ہیں جبکہ 6800سے زائد تاحال لاپتہ ہیں جن میں اکثریت بچوں اور خواتین کی ہے۔
غزہ پر صیہونی جارحیت کےباعث 15 لاکھ سے زائد فلسطینی نقل مکانی کرنے پرمجبور ہوگئے ہیں جبکہ اکثریت اپنے گھروں سے بھی محروم ہوگئے ہیں۔