(روز نامہ قدس ۔آنلائن خبر رساں ادارہ ) محصور شہر رہائشیوں نے حوارہ قصبے میں بدترین صیہونی ریاستی دہشتگردی کے خلاف احتجاجی مظاہرہ کیا اور نابلس کے لوگوں کے ساتھ اپنی بھرپور حمایت کا اظہار کیا۔
تفصیلات کے مطابق گذشتہ روز مقبوضہ فلسطین کے گذشتہ 16 سالوں سے محاصرہ کے شکار شہر غزہ کے رہائشیوں نے مقبوضہ غرب اردن کے شہر نابلس کے قصبے حوارہ میں بدترین صیہونی ریاستی دہشتگردی جس میں ایک فلسطینی شہید اور 100سے زائد زخمی ہوئےجبکہ صیہونی آباد کاروں نے درجنوں فلسطینیوں کے گھروں اور گاڑیوں کو بھی آگ لگا نے کے خلاف احتجاجی مظاہرہ کیا۔
غزہ کی پٹی کے محصور فلسطینیوں نے صیہونی ریاستی دہشتگردی کی شدید مذمت کرتے ہوئے سڑکوں اور سرحدی علاقوں میں بڑے پیمانے پر احتجاج کیا ٹائر جلائے اور نعرے لگائے ۔
مقامی ذرائع نے اطلاع دی ہے کہ اسرائیلی فوج نے غزہ کی پٹی کے شمال میں جبالیہ کے مشرق میں مظاہرین پر فائرنگ کر کے کم از کم دو فلسطینیوں کو زخمی کر دیا۔