(روز نامہ قدس ۔آنلائن خبر رساں ادارہ ) صہیونی ریاست نے دعویٰ کیا ہے کہ غزہ سے اسرائیل کےجنوبی علاقے میں راکٹ فائر کئےگئے جس کے بعد جوابی کارروائی کی گئی۔
غیر ملکی خبرر ساں ادارے کے مطابق گذشتہ روز صہیونی فضائیہ نے گذشتہ پندرہ سالوں سے غیر قانونی صیہونی ناکہ بندی کے شکار شہر غزہ میں اسلامی مزاحمتی تحریک حماس کے ٹھکانوں پر فضائی حملے کئے ، اسرائیلی فوج کی جانب سے جاری بیان میں کہاگیا ہے کہ غزہ میں حماس کے فوجی ٹھکانوں کو نشانہ بنایا گیا ہے جس میں اسلامی تحریک کے زیر انتظام فلسطینی انکلیو سے راکٹ فائر کیے گئے۔
یہ بھی پڑھیے
غزہ میں صہیونی نیوی کا حملہ، 3 فلسطینی ماہی گیرشدیدزخمی
صہیونی فوج کا کہنا ہے کہ یہ حملے حماس کی جانب سے جنوبی اسرائیل میں راکٹ داغے جانے کے ردعمل میں کئے گئے‘ حماس کے منصوبے کو اسرائیل کے فضائی دفاع نے روک دیا تھا۔
فلسطینی ذرائع ابلاغ کے مطابق صہیونی فوج کی جانب سے حملے کے بعد حماس کے ترجمان حازم قساسم نے کہا ہے کہ محصور غزہ شہر کے جنوب مشرق میں فضائی حملے ’یروشلم اور مقبوضہ مغربی کنارے میں فلسطینی سرزمین پر جارحیت میں اضافے کے مانند ہیں‘۔ حازم قسیم نے ہفتہ کے فضائی حملوں میں کوئی جانی نقصان سے متعلق کوئی ذکر نہیں کیا۔