(روز نامہ قدس ۔آنلائن خبر رساں ادارہ ) صیہونی ریاست نے بارشوں کے پانی کو غزہ کے نشیبی علاقوں میں چھوڑدیا جس کے باعث فصلوں سمیت سیکڑوں گھر زیر آب آگئے۔
فلسطینی ذرائع ابلاغ کے مطابق مقبوضہ فلسطین کے محصور شہر غزہ میں ہفتے کے روز سے جاری شدید بارشوں نے پہلے ہیں شہریوں کو پریشان کیا ہوا تھا کہ آج صبح غیر قانونی صہیونی ریاست اسرائیل نے بارشوں کے جمع ہوجانے والے پانی کے ساتھ ساتھ سیویج کے پانی کو بھی غزہ کی جانب چھوڑ دیا ، اسرائیلی آبی جارحیت سے غزہ کے دو شہر خان یونس اور دیر البلاح میں سیکڑوں گھروں سمیت سیکڑوں دونم زرعی زمین زیرآب آگئی جس سے فلسطینی کاشتکاروں اور شہریوں کو شدید نقصان ہوا۔
واضح رہے کہ گذشتہ ہفتے سے غزہ سمیت دیگر شہروں میں موسلادھار بارشوں کا سلسلہ جاری ہے جس کے باعث سردی میں بھی غیر معمولی اضافہ دیکھنے میں آیا ہے۔