غزہ: مجاہدین کے حملے جاری، 24 گھنٹوں کے دوران 9 صیہونی فوجی زخمی

 (روز نامہ قدس ۔آنلائن خبر رساں ادارہ ) اسرائیلی فوج کے اعداد و شمار کے مطابق غزہ کی پٹی میں مزاحمتی قوتوں کے ساتھ جاری جھڑپوں میں گزشتہ 24 گھنٹوں کے دوران 9 صیہونی فوجی زخمی ہوئے۔

غیر قانونی صیہونی ریاست اسرائیل کی نام نہاد فوج کی جانب سے جاری بیان میں اعتراف کیا گیا ہے کہ مقبوضہ فلسطین کے محصور شہر غزہ میں مزاحمت کاروں کے ساتھ جاری جھڑپوں میں گذشتہ 24گھنٹوں کے دوران 9 صیہونی فوجی زخمی ہوئے ہیں جس میں سے چار کی حالت تشویشناک ہے۔

جاری کردہ اعداد و شمار کے مطابق، 7 اکتوبر سے غزہ پر جاری اسرائیلی دہشتگردی میں اب تک فلسطینی مجاہدین کے ہاتھوں زخمی ہونے والے فوجیوں کی تعداد 4440 تک پہنچ گئی ہے۔ جبکہ گزشتہ 27 اکتوبر سے شروع ہونے والی زمینی لڑائیوں میں 2,280 فوجی زخمی ہوئے۔

اسرائیلی عبرانی اخبار یدیعوت احرنوت کی رپورٹ کےمطابق  7 اکتوبر سے  اب تک فلسطینی مزاحمت کاروں کے ہاتھوں 708 فوجی اور افسران مارے جا چکے ہیں جن میں 342 غزہ کی پٹی میں زمینی لڑائی میں جہنم واصل ہوئے۔