(روز نامہ قدس ۔آنلائن خبر رساں ادارہ ) صیہونی ریاست مقبوضہ فلسطین میں جنگی جرائم کی سنگین خلاف ورزیوں کا ارتکاب کررہی ہے۔
عالمی طبی امدادی ادارے ریڈ کراس کی جانب سے غیر قانونی صیہونی ریاست اسرائیل کی غزہ میں سنگین خلاف ورزیوں کی نشاندہی پر جاری کردہ بیان میں بتایاق گیا ہے کہ اسرائیل غزہ میں اسکول ، کالجز ، مساجد ، چرچز، اسپتا ل یہاں تک کے کھانہ تیار کرنے والی بیکریوں اور طبی امداد لے جانے والے قابلوں کو بھی بمباری کا نشانہ بنا رہا ہے۔
بیان میں بتایا گیا کہ 33 روز سے جاری اسرائیلی وحشیانہ بمباری میں اب تک10 ہزار300 سے زائد فلسطینی شہید ہوچکے ہیں جس میں 4 ہزار 237بچوں 2ہزار 719 خواتین سمیت 631 معمر افراد فلسطینی شہری شامل ہیں جبکہ اسرائیل کی بلاجواز وحشیانہ بمباری میں یومیہ اوسطاً 160 فلسطینی بچے شہیدہورہے ہیں۔
واضح رہے کہ فلسطینی وزارت صحت کے ترجمان ڈاکٹر اشرف القدرہ کی جانب سے جاری کردہ بیان میں بتایا گیا ہے کہ سات اکتوبر کے بعد اب تک غیر قانونی صیہونی ریاست اسرائیل کی نام نہاد فوج جنگ بندی کے عالمی مطالبے کے باوجود مقبوضہ فلسطین کے محصور شہر غزہ پر 33 ویں روز بھی مسلسل وحشیانہ بمباری جاری رکھی ہوئی ہے جس میں زخمی ہونے والے فلسطینیوں کی تعداد 26 ہزار ہوگئی ہے۔
اس عرصے میں صہیونی قابض فوج نے 1071 فلسطینی خاندانوں کو اجتماعی طور پر موت کے گھاٹ اتارا، اسرائیلی بمباری میں طبی عملے کے 200 کارکن شہید ہوئے جبکہ 40 ایمبولینسوں کو تباہ کردیا گیا جس میں صحت کے120 مراکز میں 18 اسپتال بھی شامل ہیں ۔
وزارت صحت کا کہنا ہے کہ انہیں اطلاعات ملی ہیں کہ 2450 افرادلا پتا ہیں جو ممکنہ طور پر ملبے تلےدبے ہوئے ہیں۔ ان میں 1350 بچے ہیں۔