(روز نامہ قدس ۔آنلائن خبر رساں ادارہ ) حماس نے آج صبح اسرائیلی فوج کے مرکاوہ ٹینک کو تباہ کیا جس کے نتیجے میں سوار تمام اہلکار ہلاک اور زخمی ہوگئے۔
غیر قانونی صیہونی ریاست اسرائیل کے مظالم کے خلاف برسرپیکار اسلامی مزاحمتی تحریک "حماس” کے عسکری ونگ "القسام” بریگیڈز کی جانب سے جاری بیان میں دعویٰ کیا گیا ہے کہ مجاہدین نے گذشتہ 48 گھنٹوں کےد وران صیہونی فوج کو غیر معمولی نقصان پہنچایا ہے ، جاری بیان میں بتایا گیا ہے کہ گذشتہ روز خان یونس کے علاقے میں مجاہدین نے ایک گھر جس میں صیہونی فوج چھپی ہوئی تھی انٹی پرسنل ڈیوائس سے نشانہ بنایا جس میں کم سے کم 6 صیہونی فوجی جہنم واصل ہوئے اور متعدد زخمی ہوئے۔
اسرائیلی چینل 12 نے بھی اپنی رپورٹ میں غزہ میں ایک بڑے نقصان کی خبر دی تاہم اسرائیلی فوج کی جانب سے سنسر شپ کی سخت پالیسیز کے باعث تفصیلات فراہم نہیں کی گئیں۔
القسام کی جانب سے جاری بیان میں بتایا گیا ہے کہ مجاہدین نے آج غزہ کی پٹی کے جنوب میں اسرائیلی فوج کے ایک مرکاوہ ٹینک کو اسٹروب ڈیوائس سے نشانہ بنایا جس سے اس کے ارکان ہلاک اور زخمی ہو گئے۔