(روز نامہ قدس ۔آنلائن خبر رساں ادارہ ) صیہونی وزارت نے الزام عائد کیا ہے کہ ضبط کئے گئے ان ڈرونز کا مقصد غزہ شہر میں سرگرم فلسطینی دھڑوں کے لیے جاسوسی کرنا تھا۔
غیر قانونی صیہونی ریاست اسرائیل کی ؎وزارت دفاع نے گذشتہ 16 سالوں سے غیر قانونی طوپر معاشی ناکہ بندی کے شکار مقبوضہ فلسطین کے شہر غزہ پر اپنا ناجائز تسلط جاری رکھنے کےلئے ایک اور بھونڈا الزام عائد کیا ہے، وزارت دفاع کی جانب سے جاری کردہ بیان میں الزام عائد کرتے ہوئےبتایا گیا ہے کہ صیہونی فوج نے غزہ کی سرحد ایریز بارڈر کراسنگ پر 10 جاسوس ڈرونز کو فلسطینی ساحلی علاقے میں اسمگل کرنے کی کوشش کو ناکام بنا دی ہے۔
وزارت کے ایک بیان میں کہا گیا کہ یہ آلات ایک منی بس میں رکھے ہوئے ایک سیاہ بیگ کے اندر چھپائے گئے تھے جو کراسنگ سے گزر کر غزہ جانے کی کوشش کر رہی تھی۔
بیان میں مزید کہا گیا کہ شبہ ہے کہ ان ڈرونز کا مقصد غزہ کی پٹی میں سرگرم فلسطینی دھڑوں کے لیے جاسوسی کرنا تھا۔ یہ آلات سکیورٹی گارڈز اور غزہ کی پٹی کو جنوبی اسرائیل سے ملانے والے ایریز کراسنگ پر تعینات کے نائن یونٹ کو ملے۔
گاڑی کے معائنے کے دوران ایک خصوصی تربیت یافتہ کینائن نے مشکوک پیکج کا پتہ لگایا اور اس پر بیٹھ کر اس کی موجودگی کا اشارہ کیا۔ مزید تفتیش جاری ہے۔ وزارت نے یہ واضح نہیں کیا کہ یہ ڈرونز کس گروپ کو فراہم کیے جانے تھے۔ ایریز کراسنگ کو ہزاروں فلسطینی کام کے لیے اسرائیل میں داخل ہونے کے اجازت نامے کے ساتھ استعمال کرتے ہیں۔