(روز نامہ قدس ۔آنلائن خبر رساں ادارہ ) ، 7 اکتوبر 2023 سے اب تک ” صیہونی فوج” کی تسلیم شدہ ہلاکتوں کی تعداد 578 ہو گئی ہے، جن میں غزہ میں ہلاک ہونے والے 239 اور زخمی ہونے والوں کی تعداد بھی شامل ہے۔
اسرائیلی فوج نے گذشتہ روز غزہ میں حماس کے عسکری ونگ شہید عز الدین القسام بریگیڈ کے ہاتھوں "گیواتی بریگیڈ” کے اپنے ایک سارجنٹ کےہلاک اور تین کے زخمی ہونے کا اعتراف کیا ہے۔
غیر قانونی صیہونی ریاست اسرائیل کی جانب سے فلسطینی مجاہدین کے ہاتھوں جہنم واصل ہونے والے صیہونی فوجیوں کی تعداد کو شائع کرنے کی اجازت نہیں ہے اور صرف فوج کی جانب سے جاری تفصیلات کو شائع کرنے کے احکامات ہیں تاہم فوج میں ہلاک اور زخمی ہونے والوں کی تعداد کو مبہم کرنے کی کوشش کے باوجود، اسرائیلی ویب سائٹ Ynet کی ایک رپورٹ میں انکشاف کیا گیا ہے القسام بریگیڈ کے ہاتھوں ” صیہونی فوج” کی تسلیم شدہ ہلاکتوں کی تعداد 578 ہو گئی ہے، جن میں غزہ میں ہلاک ہونے والے 239 اور زخمی ہونے والوں کی تعداد بھی شامل ہے۔
ویب سائٹ نے مزید بتایا ہے کہ غزہ میں اسرائیلی فوج کے ساتھ جھڑپوں میں اب تک زخمی ہونے والے اسرائیلی فوجیوں کی تعداد 5,000 تک پہنچ گئی ہے جن میں 2,000 سے زیادہ معذور ہوچکے ہیں۔