(روز نامہ قدس ۔آنلائن خبر رساں ادارہ ) صیہونی فوج نے صحافی محمد بسام الجمال کے گھر پر بمباری کی جس کےنیتجے میں وہ اپنے خاندان کے 5 افراد سمیت شہید ہوگئے۔
غزہ میں سرکاری میڈیا سے جاری تفصیلات کےمطابق گذشتہ روز غیر قانونی صیہونی ریاست اسرائیل کی فوج نے غزہ کےعلاقے رفح میں ایک گھر پر بمباری کی جس کے نیتجے میں "Palestine Now” نیوز ایجنسی کے لیے کام کرنے والے فلسطینی صحافی محمد بسام الجمال اور ان کے خاندان کے 5 افراد شہید ہوگئے جس کے بعد غزہ پر نسل کشی کی جنگ شروع ہونے کے بعد سے شہید ہونے والے صحافیوں کی تعداد 141 ہوگئی ہے، اس کے علاوہ سینکڑوں زخمی ہیں۔