(روز نامہ قدس ۔آنلائن خبر رساں ادارہ ) سات اکتوبر سے جاری اسرائیلی دہشتگردی میں اب تک خواتین سمیت 166 فلسطینی صحافیوں کو صیہونی ریاست نے دانستہ نشانہ بنایا ہے۔
فلسطین کے سرکاری میڈیا کے دفتر سے جاری بیان میں اعلان کیا گیا ہے کہ غزہ کے جنوبی شہر خان یونس میں اسرائیلی فوج کی بمباری میں ایک اور صحافی محمد عیسیٰ ابو سعدہ شہید ہو گئے، محمد عیسیٰ ابو سعدہ کو خان یونس کے مشرق میں واقع علاقے "الزینۃ” میں ان کے گھر کےپاس بمباری کر کے شہید کیا گیا۔
بیان میں بتایا گیا ہے کہ سات اکتوبر سےمقبوضہ فلسطین کے محصور شہر غزہ پر جاری اسرائیلی دہشتگردی اور نس کشی کی جنگ کے آغاز سے اب تک شہید فلسطینی صحافیوں کی تعداد 166 ہوگئی ہے جن میں مرد اور خواتین صحافی شامل ہیں۔